Un testigo den e caso di asalto sexual di actor Mericano Bill Cosby a bisa corte cu Cosby a drog’e y abusa di dje sexualmente na 1998. Esaki ta e mesun tactica cu el a uza den un atake riba Andrea Constand riba 2004 cual ta wordo trata den corte aworaki. Sr. Cosby, 79, ta nenga tur cargo. Su abogado ta bisa cu e dama a bay di acuerdo cu sexo anto a cambia su storia varios biaha caba.
Docenas di otro muhe tambe ta bisa cu sr. Cosby a abusa sexualmente di nan, pero e ta den corte riba un solo acusacion. Den ambos ocasion menciona den corte, Cosby a invita e
damanan na su cas pa conseho riba nan carera artistic anto a ofrece nan un pildo pa relaha anto abusa di nan manera cu nan ta incapacita.
