Diasabra marduga polisnan a detene un persona na Olde Molen pasobra e persona tabata burachi. Riba caminda pa warda, polis a haya nan mes den un accidente cu e detenido den auto.
Dogcatcher a presenta pa busca e detenido y hibe warda di Shaba, pasobra e detenido tabata haci basta fastioso na e luga. Pero na e luznan di trafico banda di Superfood e dogcatcher tawata para na luz wardando e luz bira berde pe bay, pero patras nan a sinti e detenido ta scop e auto, pero den esey nan a sinti un sla hopi mas fuerte. Ora e oficialnan a baha bay wak, nan a constata cu un auto a dal duro nan tras.
E polisnan mesora a bay check si tur cos ta bon cu e detenido. E chauffeur tawata burachi y a wordo deteni tambe e momento ey. Varios patruya di polis a presenta y a transporta e dos detenidonan pa warda di Shaba. E dos polisnan den e dogcatcher y tambe e chauffeur di e Spark, a sinti dolor na curpa y ambulance a presenta pa atende cu nan. Daño material tabata considerabel. Mirando cu tin un auto di polis envolvi, specialista di trafico a presenta pa tuma dato.
