Dos trein di pasahero a pega den otro na parti panort di Egipto unda cu 21 persona a perde nan bida y docenas di otro hende a sali herida. Un di e treinnan tabata biniendo for di Cairo anto e otro for di Port Said na momento cu nan a pega frontal parti panort di costa di ciudad Alexandria, segun reportahenan di media local.
No ta conoci ainda ta kico a causa e accident aki. Accidentenan fatal di e tipo aki cu trein na Egipto no ta algo usual pero e sa pasa. Mas cu 80 persona a keda herida den e accident aki segun minister di salud di e pais a informa. Tur hospital den e region ta riba alerto. Na 2013, docenas di hende a perde nan bida ora cu un train a pega den un minibus y otro vehiculonan parti sur di Cairo.
