Polis a detene un atracado di beauty salon na San Nicolas awe, despues di haya un tip di ciudadano cu a mira un persona sospechoso na Caya Sint Maarten.

Awe diababra pa mas o menos 1or di merdia central di polis ta haya un yamada cu un rato paso un atraco a tuma lugar na un beauty salon na Caya Charliebrown San Nicolaas. Patruya ta bay di biaha na e sitio di e sucedido.

Eynan ta haya e descripcion di e atracado. Ta trata di un homber halto bisti den t-shirt blanco y boxer, cu un cuchiu den man. El a bai cu e plaka di dia di e beauty salon y a huy na pia, segun polis su informe.

Polis a manda Atraco Team, BFTO y tambe slachtofferhulp na e sitio di e sucedido.
Un rato despues central di polis ta haya un yamada cu tin un persona sospecho den cura na Sint Maartenstraat. Ta duna e discripcion di e homber y e ta cuadra cu e sospechoso cu a atraca un rato prome na e beauty salon. Patruya di San Nicolaas ta yega di biaha n’e adres y ta detene e sospechoso di e atraco y cu ta un conoci di polis.