Wepa! Mi hendenan nos t’ey. Cuero ta seco, cabey ta pio, I’m aging like milk, mi parce un chicken breast curu! Pero mester pusha bay dilanti yiu.
Manera mi mama ta bisa ‘falta menos de lo que faltaba’ y un djis mi por bay Aruba y bira un chicken breast cushina bek. Pero bon! Ban papia! Ay, mi añanan di studiante ta cabando mi hendenan! Misa mi ta bisa esey hopi, pero ainda e no ta drenta mi cabes con lihe e ultimo tres añanan aki a pasa. Ki dia, mi a bay Antwerpen pa finalisa algun cos. Manera boso mes sa, buki number dos ta na caminda pero mi buki number uno ainda mester wordo poni den forma di e-book riba plataformanan digital. Maar goed, Den combersacion cu esun responsabel pa e publicacion di mi buki, el a hala mi atencion pasobra segun e mi mester stop di uza e palabra millenials.
El a bisa mi “Wak! E termino millenials no ta nada diferente cu esun cu esun di babyboomers. E ta un termino cu ta wordo pusha pa media cu e meta di stigmatisa un grupito di hende cu ta haci cosnan na nan manera. Locual bo tin cu haci ta cuminsa yama boso mes the progressives cual por cierto ta existi den tur generacion.” Asombra pa locual e ta bisa mi, mi a keda wak e atento. Ta berdad cu masha poco nos ta tende e termino millenial den un luz positivo.
Millenials ta e generacion cu segun media ta wordo considera floho, mal cria, sinberguensa etc. Tambe ta un realidad, cu si ami por ehempel cuminsa un movemento y enfoca solamente riba millenials, cual ta mi generacion. Probablemente mi lo ta missing out riba sabiduria cu otro generacionnan por ofrece. Segun mi amigo, millenials no ta nada mas cu un mal label cu mi mester abstene di uza pa mi propio bienestar. Pues kico ta e meta awo?
No cana busca millenials, sino busca the progressives. Ora bo drenta un luga, busca esunnan cu ta enfoca riba progreso, esunnan cu ta cla pa scucha y contribui cu cualkier cos. Aparentemente, the progressives no solamente ta timeless. Nan ta bin den tur color, den tur idioma, den rasa y den tur generacion. Division nunca a hiba nos ningun caminda mi hendenan y kere mi cu esey no ta algo facil pa mi admiti. Ami tambe tin zo iets van di no kier deal cu mucho cu hendenan cu nan opinionnan ta contradeci esunnan di mi. Pero ki haci? Con mi kier crece manera humano si mi keda enfoca riba mi millenials nan cu tanto mi stima y ta pensa mescos cu mi? Sometimes courage skips a generation, ken sa…Maybe one day, we will do the teaching. Te otro siman!
