Careda di cacho greyhound tabata e prome di tres deporte pa cuminsa ayera, cu careda di cabay y snooker tambe tumando luga sin publico, bou condicion cu competidornan y oficialnan cumpli cu protocol di coronavirus aproba pa gobierno.
Un 10-race card tabata programa pa e pista di tur clima Gosforth Park den ciudad di Newcastle, unda 369 entrada di doño di cabay hambra pa competencia tabata reduci na apenas 120 coredo. Jockey a bisti mondkap y a tene nan mes na regulacion di distanciamento social prome y despues di careda, y unicamente a permiti personal limita riba e pista. Esey a nifica no pustadonan, y hasta e doñonan tabata prohibi pa atende.
Careda di cabay tabata e ultimo deporte en bibo pa cera na Reino Uni – dia 17 di maart ultimo.
“Ta momento pa bolbe, y mi ta sinti realmente cu nos por bolbe di forma safe y den un forma cu publico por ta orguyoso”, jockey campeon, Oisin Murphy a bisa dialuna, agregando cu e y su rivalnan lo sinti fisicamente ‘hopi cerca di 100%’. “Pero e mente skerpi lo bin unicamente despues di algun siman cu algun practica.”
E jockey campeon di e prome careda na Newcastle, James Sullivan, a bisa cu e tabata exhausto mientras e post di final a acerca abordo di su cabay, Zodiakos. “Tabata trabou duro”, el a bisa.
Snooker’s Championship League tabata programa pa cuminsa pa 3pm na Milton Keynes, nort di London, cu rango top Judd Trump den accion pa e prome partido. Tin 64 hungado competiendo den e torneo y nan tur mester test negativo pa COVID-19 prome cu drenta e arena pa partido.
Futbol na Inglatera ta programa pa reanuda dia 17 di juni cu dos wega di Premier League.
