15 pais Europeo, como tambe Hong Kong y Switzerland a ricibi webonan contamina cu insecticide Fipronil, segun comision Europeo a laga sa. E comision lo organisa un reunion cu ministernan y reguladornan riba 26 di september. Departamento encarga cu cuminda a haci peticion pa paisnan stop di culpa otro. Actualmente tin un discusion grandi andando tocante con largo autoridadnan na Belgica y Hulanda tabata na altura di e situacion aki.
Webonan cu ta bini for di Hulanda, a wordo constata cu ta contene Fipronil, cual manera nos a informa ta un substancia cu ta wordo uza pa elimina carpata cu pulga den bestianan y prohibi door di Union Europeo pa uza den industria di cuminda. Tin indicacion cu el a wordo uza pa combati pulga den algun di e cunucu (chicken farms), cual a resulta di a affecta e webonan.
