Un dama cu tabata hopi cerca di e hoben cu a asesina 17 persona na un scol na Florida algun dia pasa a adverti FBI den detaye cu e hoben tabata tin un coleccion grandi di arma. Anto cu su temperamento tabata tin e dama preocupa cu e lo bay drenta un scol y cuminsa tira hende.
E tip a wordo haci riba 5 di januari na e centro di FBI na Merca. E departamento a admiti cu nan a faya di investiga e tip aki di Nikolas Cruz,19, pero e documento ta mustra e preocupacionnan serio di e dama aki den detaye. “Mi sa cu ta bay yega un dia cu e ta bay explota,” el a bisa.
FBI a haci un briefing diabierna riba nan fayo pa actua riba e tip alarmante aki, tambe riba e motibo dicon nan no a sigui investiga e hoben despues cu e mes a comenta cu e ta bay bira un tirador profesional.
Fuente: NEWS.AU
