|
Tuesday, 30 June 2009 |
 ORANJESTAD - E aña aki lo ta e di 16 aña consecutivo cu boluntarionan lo dedica 2 dia pa yuda mantene nos beach y lama limpi. Aruba Reef Care Project ta conoci como e proyecto anual pa concientisa publico tocante e importancia pa cuida y proteha nos lama y beachnan. Tur aña manera ya ta custumber e comision di Aruba Reef Care ta duna serie di presentacion na scolnan basico, secundario y Universidad di Aruba. Durante e lectura di Aruba Reef Care na scol, e scol ta wordo invita pa adopta un pida beach of area y cu den futuro nan por mantene limpi periodicamente. Aruba Reef Care Project y Aruba Tourism Authority e aña’ki atrobe lo reparti e “car litter bag”, cu ta un saco pa mantene den auto unda por deposita desperdicio, enconexion cu otro accion di limpiesa.
|
|
|
Tuesday, 30 June 2009 |
 ORANJESTAD – Aruba a conoce su di 7 caso positivo di Swine Flu e siman aki. Esey ora cu e resultadonan ultimo a bolbe for di Hulanda indicando cu tin 3 caso mas positivo cu a keda estableci na Aruba. Cu e 3 ultimonan aki, e cantidad di caso ta yega awor na 7. E diferencia ta cu den e casonan aki, e ultimo tresnan ainda ta infecta, mientras cu e otronan pa ora cu a haya sa cu nan tabata infecta, nan tabata cura caba.
Ta for di un grupo di 20 cu a wordo manda, tabatin 3 caso nobo cu a keda haya. Tabatin mas hende, pero un grupo di muestra tabata di 20 persona. E resultadonan cu nan a haya tabata diasabra unda cu 3 caso a keda registra. E casonan nobo tin 2 jong y uno ta mucha. Un di e nan ta famia di esnan di e scol pero no tabatin contacto di e mucha. E tabata via famia cu a toca uno.
|
|
Read more...
|
|
|
Tuesday, 30 June 2009 |
|
ORANJESTAD – E fayecimento di Mario Faro ta wordo cuestiona pa famia ya cu ta haya cu ta negligencia di parti di e medico na KIA. Investigacion cu Bon Dia Aruba a haci ta mustra cu ayera den oranan di merdia, famia di e fayecido a reuni cu abogado mr. Chris Lejuez, pa asina mira kico lo bay ta e pasonan cu lo bay tuma.
Ta asina cu for di tempo di e caso di Landslaboratorio, abogado mr. Chris Lejuez den Corte a informa Hues cu su cliente ta sufri di curason y cu e trato den KIA no ta dje adecuado ey. Durante fin di siman, Mario Faro a sinti malo y a wordo atendi pa e enfermero na KIA, kende a suministre cu pilder. Mario Faro su situacion a empeora y mester a wordo transporta cu urgencia pa hospital.
|
|
Read more...
|
| |
|
|
Tuesday, 30 June 2009 |
  PALM BEACH- Diadomingo sigur tabata un bunita dia pa e deporte na Aruba, mirando cu despues di hopi aña warda, porfin e proyecto pa bini cu un Olympic Wall of Fame a bira un realidad. Tur e 32 atletanan cu e yega di representa Aruba den Weganan Olimpico den pasado a bini riba e "Olympic Wall of Fame", un reconocimento cu sigur tabata na su lugar. Prome dilanti di Paseo Herencia, a cuminsa cu e Olympic Day Run cu a conta cu un participacion di 100 persona, kendenan a bini core y cana e evento den un ambiente familiar.   Na final tur por a bisti nan t-shirt colorido di e Olympic Day Run 2009 y alavez conmemora e fecha Olimpico. Tambe tabatin Gatorade y patia pa refresca. A bay over na devela e Olympic Wall of Fame den Paseo Herencia, dilanti di un publico grandisimo. A cuminsa e anochi cu un show den awa cu a ser prepara pa The Barracudas Synchro Team, despues vice - presidente y presidente di Comite Olimpico Arubano, sr. Maikito Croes y sr. Roy Mezas a dirigi algun palabra na esnan presente, na unda cu ambos persona a papia ariba e importancia cu Olimpismo tin riba e comunidad deportivo Arubano, esaki pa crea un base pa un mihor formacion di nos deportistanan. E Olympic Wall of Fame ta un parti chikito di loke tur lo ser crea pa COA den futuro. Por ultimo sr. Roy Mezas y ex-futbolista y baluarte Arubano, sr. Janny Brokke a devela e Olympic Wall of Fame. |
|
|
|
<< Start < Prev 1 2 3 4 5 6 7 8 9 10 Next > End >>
|
| Results 1 - 9 of 160 |
