ORANJESTAD – A papia riba e situacion precario financiero di pais Aruba, pues con e gobierno nobo ta bai topa e situacion financiero di Aruba y a papia riba e formacion di gobierno caminda cu a expresa cu mirando e resultado di eleccion, AVP ta esun yama pa bai drenta gobernacion, pero si ta asina cu tin espacio pa busca un gobierno riba un base mas amplio, den bienestar general Democracia Real tin cu busca espacio pa esei.
DR ta Sali for di e punto di bista cu nan ta bai drenta parlamento y nan ta gradici pa e stone di pueblo y DR ta bai haci un trabou cabalmente.

ORANJESTAD- Fin di luna pasa a tuma lugar un seminario y certificacion special di formas, bou auspicio di Pan American Taekwondo Union (PATU) na San Jose, Costa Rica. Durante e evento aki a tuma lugar un seminario di dos dia y un curso di tres dia mientras cu na final a tuma lugar u examen pa esnan cu kier a certifica como referee di formas, conoci tambe como poomsae. Tabata trata aki di un curso masha intensivo, pasobra e participantenan mester a entrena for di 9or di mainta te cu 8or di anochi, cu un tempo di descanso pa almuerso di solamente 1 ora.

SOCOTORO- Diadomingo ultimo dia 27 di september 2009 e campeonnan di East Division Kenro y West Division Aruba Jrs. a enfrenta otro den e grandioso final di “Copa Clasico Don Luis Swaen 2009”.
Aruba Jrs. Gerry’s Refricenter/L.G. e gladiadornan a derota e gigantenan di Kenro Vets cu e score di 9-5 pa agrega otro titulo campeonil mas riba nan lista largo di campeonnan di Aruba, A.B.C. y internacionalmente. Bou dinamico maneho  di Juan Martijn, Aruba Jrs. a habri e wega cu Alvaro Barrios riba monticulo y Kenro Vets bou maneho skerpi di Chico de Kort a cuminza cu Willy Croes.

ORANJESTAD – E conversacionnan di consulta di Gobernador cu organonan di consulta y lidernan politico ta canando bon. Asina Gabinete di Gobernador ta informa. Ayera  Gobernador a reuni cu presidente di Raad van Advies, sr. Andries Swaen y secretario sra. Helen van der Wal. Despues Gobernador a hiba combersacion cu presidente di Staten, sra. Mervin Wyatt-Ras, sigui pa sr. Mike Eman di Partido Nacional di Pueblo (AVP) y sra. Evelyn Wever-Croes di Movimiento Electoral di Pueblo (MEP).