ORANJESTAD – Ayera banda di 12.30 di merdia un container yen a cai riba un Toyota Tercel staciona riba acera na Rondweg (Dakota) y lage esaki plat. Menos mal cu no tabatin ningun persona den e auto.
E tracker tabata bin di suit y kier a lora pa subi riba Rondweg bai den direccion pariba. Pa un motibo of otro e containe ta sali di su joint, y ta bai bolter riba e auto ya menciona. Manera por mira riba e potretnan e auto a keda completamnete destrui.

 

BUBALI- Diadomingo awor e ogruyonan di Noord Bubali S.C. ta topa e panaderonan di Piedra Plat, Britania, den un wega crucial pa oncena di Noord.
Mirando cu October ta e luna di concientisashon di Cancer di Pecho, y a la vez tin e caminata di Mary Joan Breast Cancer Support Group, e orguyonan di Noord lo ta saliendo na ROOS pa e wega aki. Roos ta e color universal di e movimiento di concientisashon di cancer.

     

ORANJESTAD – Ayera mainta durante un reunion publico special a tuma lugar e proceso di aprobacion di credencial di e Parlamentarionan nobo. Den e proceso aki a ser institui un comision entre e parlamentarionan cu a check e documentonan si nan ta cuadra cu loke mester tin. Posteriormente, despues cu e proceso ta keda  cla, Parlamento ta notifica Gobernador di Aruba Fredis Refunjol pa e dia siguiente, kiermen awe, huramenta e parlamentarionan. Alaves a ser despedi ayera di e parlamentarionan cu no lo forma parti di e constelacion nobo. Riba e combinacion di potret aki nos por mira con e proceso a tuma lugar; y un grupo di parlamentario femenino nobo cu a haya nan credencial.

  

ORANJESTAD – E hecho cu tin un cantidad di 30 persona nobo como oficial di imigracion, no kier men cu e problema di falta di personal lo caba. Ayera durante e huramentacion y entrega di diploma na e personanan cu a slaag pa nan funcion di imigracion, minister saliente di Husticia Rudy Croes a bisa cu e problema lo keda sigur, cu ta e cantidad grandi di hende cu ta meld ziek na trabou. Un problema structural cu ainda no a haya un grip ariba.