Otro siman tratamento di e caso ta sigui

ORANJESTAD – E proposicion cu Hues a haci siman pasa pa asina entre AZV y Noord Lab Center y Alpha Interlab Center yega na un acuerdo, no a resulta. Apesar cu di parti di e dos laboratorionan a presenta documento di Notario cu ta mustra cu e dokternan cu ta estableci den e mesun edificio unda e laboratorionan ta situa, economicamente no tin relacion cu e laboratorio y no ta doño, di parti AZV a wordo bisa cu esaki no ta suficiente.
Esey a pone cu ayera atardi un biaha mas e partidonan a presenta den Corte. Hues a puntra abogado mr. Brown si e laboratorionan a cumpli cu loke a keda palabra siman pasa. Mr. Brown a bisa Hues cu e laboratorionan no a cumpli. E abogado a bisa cu di parti di AZV no ta di acuerdo cu documento di notario. Awor AZV kier pa presenta documento cu ta bisa cu miembronan di famia no ta beneficia economicamente di laboratorio.

 

  

 ORANJESTAD – Un accidente cu tres auto envolvi a tuma lugar banda di 2’or atardi riba cruzada di Sun Plaza. Ta asina aki cu un Nissan Sentra a subi dilanti di e pick-up, consecuentemente e pick-up ta dale,  y e Sentra ta bai dal riba e Van creme. Finalmente e pick-up ta bay dal den palo di trafico. Un persona a keda herida y a wordo transporta pa hospital.