Un Teremoto devastador a dal Chile awe mainta tempran (diasabra), destruyendo casnan, bashando brugnan abou y tirando trucknan den e buraconan crea. Un alerta di tsunami causa pa e teremoto di 8.8 ta menazando tur nacion den Oceano Pacifico – den un calculo bruto cu ta un kwart di mundo.
Chilenonan cerca di e epicentro a bisa cu nan a sinti manera sacudi pa un gigante. E tabata e teremoto di mas fuerte cu a sacudi Chile den 50 aña y un di esnan mas fuerte na mundo. Mas cu 120 persona a muri, según presidente electo Sebastian Pinera, pero e cifra aki ta subiendo rapidamente.