Thursday, July 30, 2015 - 11:46

Reclassering
ORANJESTAD – Ayera tabatin un sesion di informacion di programa Siña y Traha cu a tuma luga na oficina di ATIA. Obhetivo di trayecto Siña y Traha a cuminsa na 2011 y el a mustra su exito den re integra hubentud entre edad di 16 y 25 aña cu ta na riesgo y cu no tin futuro perspectiva den mercado laboral.

Thursday, July 30, 2015 - 11:45

Minister di Husticia, sr. Arthur Dowers a bisa
ORANJESTAD - Despues di e incidentenan criminal cu a yega sosode diadomingo madruga den nos area hotelero y turistico, tin reaccion cu ta indica cu Visibility Team no ta mas visibel manera e mester ta. Sinembargo riba e ponencia aki, minister di Husticia sr. Arthur Dowers a bisa cu esaki absolutamente no ta berdad.

Thursday, July 30, 2015 - 11:43

Ministerio Publico ta boga
ORANJESTAD – Gobierno a crea un fondo di criminalidad, caminda un parti di e placanan cu keda confisca di criminalnan di droga y otro formanan di laba placa, ta bay pa e fondo aki cu e fin di por cumpra cosnan cu ta necesario pa Polis combati criminalidad.

Asina Fiscal di Ministerio Publico a duna di conoce na Bon Dia Aruba. E Fiscal a bisa cu el a compronde cu specialmente e placanan cu haya pa motibo di e casonan di kita propiedadnan for di personanan hinca den droga, cu e placanan aki ta bay den e fondo di criminalidad.

Thursday, July 30, 2015 - 11:43

Minister Otmar Oduber:
Relato di prome kwartaal di Banco Central ta sumamente positivo pa loke ta trata e placa cu turistanan ta laga atras na nos isla, logrando un cifra record di 864.4 miyon Florin den e prome 3 lunanan di 2015. E resultado aki ta un indicacion claro cu e strategia pa atrae turistanan afluente pa nos isla ta uno exitoso.

Thursday, July 30, 2015 - 11:42

Segun minister Dowers, polis tin record di solucion di casonan
ORANJESTAD - E mandatario di Husticia, sr. Arthur Dowers tabatin palabra di elogio pa nos cuerpo policial. El a bisa cu e cuerpo uniforma aki ta traha riba un nivel halto den nos region. Ademas mirando e cantidad di training y ekipo cu nos cuerpo policial ta dispone di dje, esaki ta un indicacion cu e ta un cuerpo policial cu ta funciona optimal.

Pages