Si ta apela e sentencia aki, no ta dicidi ainda. E ta un decision cu hunta di comisario tin cu tuma segun Lin. Den mesun rosea Lin ta mustra cu ta intencion di AZV semper di limita accionan legal mas hopi cu ta posibel. Esaki pasobra e no ta bon pa e ambiente y ta trece gasto pa tur dos banda. Un decision si no a wordo tuma ainda.

Pa loke ta futuro di e Centro Medico cu a keda converti den un centro cardiologo, Lin a mustra cu e intencion semper tabata pa dr Lacle traha na IMSAN, pero esei no a concretisa. Despues e veredicto di hues a cai pa loke ta AZV. No tin ningun problema cu e veredicto pero e decision pa bai den un relacion cu dr Lacle cu IMSAN ta netamente pa e dr por sigui traha na Aruba y no keda sin trabou. Esei no ta cambia cu e veredicto aki tampoco. Lin ta considere un bon docter pa Aruba. E decision di corte a cai y ta deal cune.

Segun Lin, e la compronde cu pa fin di november e centro tin cu habri y cu te unda cu e sa, e cooperacion y contribucion di e cardiologonan na Aruba ta esencial pa e funcionamento di e instituto y met name e centro cardiologico. Sin esaki no tin un centro cardiologico cu ta funciona debidamente.

E hecho cu tabatin dos cardiologo di Venezuela na Aruba no tabata pa e centro cardiologico segun Lin, pero ta algo cu AZV a manda busca debi cu ora cu a haya nan cu e situacion cu dr Lacle, mester a busca un remplasante mas lihe posibel pa sera e buraco cu Lacle lo a laga ora cu a termina e contracto inicialmente. Y e motibo pa cual a busca net e dosnan aki, ta debi na e hecho cu nan tabata disponibel compara cu Hulanda cu tabata mucho mas dificil pa haya cardiologonan bin traha na Aruba.