SAN NICOLAS - Diasabra ultimo pa algo pasa di 4’or ta drenta e informe cu un Polis pensionado cu ta biba den un di e cambernan na Warda di San Nicolas, a wordo haya morto. E alarma a wordo bati door di un colega di dje, kende na momento di a pasa banda di e camber di su colega Fecunda el a sinti un olor straño. Mesora hunto cu otro polisnan na e sitio, nan ta kibra e porta y ta drenta den e camber, y ta haya nan colega morto riba cama. Dr. Cheung kende a bin na e sitio a constata morto natural di e Wilfrido Leonardo Fecunda naci na Corsow 6 october 1942. E ex funcionario policial aki ta tata di e conocido presentadora di e programa T on T, esta Tabitha Fecunda. Paz na su resto y condolencia na su famianan.