ORANJESTAD – Den un show teni ayera nochi den Crystal Theatre, Aruba a sera conoci cu su proximo representante den Miss Universe. Pa mas o menos 11’or di anochi e maestro di ceremonia a anuncia e ganador den persona di Priscilla Lee, ruman di ex Miss Aruba Zizi Lee. E otro dos finalistanan di e anochi aki tabata Kimberly Kuiperi y Ivana Werleman. Otro premionan reparti e anochi aki tabata: Miss Amistad Ivana Werleman; Miss Fotogenica Kimberley Kuiperi; Miss Fitness Award Priscilla Lee; Beach Beauty Cindy Croes; Miss Beyeza Social Kimberly Kuiperi cu su proyecto riba Adopt an Addict; Miss Sense of Style a bay pa Kimberley Allen. Pabien na tur cu a ricibi un premio.