|
Carvajal di Chile ta gana Panama 10-ball y Ditto Acosta a cai den premio |
|
Friday, 20 November 2009 |
ORANJESTAD- Un total di 48 hungador a yega Panama cu e meta di bai cu e premio gordo. Diabierna ta start e evento cu ocho grupo di seis hungador y di cada grupo 4 hungador lo avansa y dos di cada grupo lo por cuminsa paketa maleta.
Aaron Franken ta olgra gana dos encuentro y di biaha ta pasa pa e dia sigiuente unda 32 hungador ta topa den un formato di eliminashon dobbel. Ditto Acosta tambe ta gana y tambe ta logra pasa.
E hoben Arubiano di 14 anja Stephan Acosta ta sorpende tur presente ora e ta dal multiple kampeon Panameño Javier Palacio y asina e tambe ta pasa pa e dia sigiuente. Arie Jansen y Martin Appeldoorn ta sufri un derota pero ambos ta logra gana y clasicifa pa e grupo di 32.
Richard Wolff y Robert Cox ta sufri dos derota y ta keda elimina. Marc Farro ta gana su promer wega pero ta perde dos sigi y no ta pasa pa e di dos dia. Diasabra e 32 hungadornan ta start y The Baron y DIGICEL su D-Gun ta avansa cu victorias. Stephan, Arie y Martin ta bai losers round cu un derota.
Aaron den e sigiuente buelta cai venci pa Alejandro Carvajal cu tawata den gran forma y Acosta ta avansa pa e tercer buelta di ganador matando Jimmy Barbosa e di tres Costa Riquense den fila. Den buelta di perdedor Riflema Arie Jansen y Stephan Acosta ta keda elimina, pero Martin Appeldoorn y Aaron Franken ta gana nan wega pa keda na bida.
|
