|
Bubali R.E. Yrausquin & Sons/Subway ta sali na Plata pero cu curazon berde contra La Fama |
|
Friday, 20 November 2009 |
 
BUBALI- Sinterklaas a jega tempran e anja aki pa e team di Bubali, y e la trece cu ne un set nobo di uniform color platinum. Sinterklaas ta un gran fanatico di e orguyona n di Noord y ta bon na altura cu e colornan tradishonal di Bubali ta berde cu blanco. Pero Sinterklaas sa tambe cu diadumingo awor Bubali tin un compromiso contra e speransa berde di Savaneta, esta La Fama cu tambe ta berde cu blanco.
Pa e bautismo official mes Sinterklaas no por tawata presente door cu e tin hopi compromiso cu muchanan full rond di Aruba. Asina mes e la logra manda dos di su Pietnan pa e celebrashon aki. Den un email pa e president di Bubali, SinterKlaas a laga sa cu e la regla su schedule pa ta den e bario di Noord Diadumingo awor, y e lo haci su maximo esfuerzo pa ta den tribune pa apoya e orguyonan di Noord.
Asina mes cu Sinterklaas ta te na Spanja e ta sigui su team favorito via Sportsaruba.com y ta bon na altura di tur loke ta pasa . Junto cu e uniform nan nobo e la trece un set di sapato di bala nobo pa Sonny Hooi. E homber gol di Bubali a manera perde su olfata goleador, y e ta spera cu e sapato nobo nan aki lo por dune su “MO-JO” back. E orguyonan di Noord ta yega e wega di diadumingo cu 12 punto y cu nan un racha di dos wega gana.
|
