ORANJESTAD - Aruba ta vigilando e situation entre Colombia y Venezuela hopi di serca, cu wowo riba un possible exodo masivo di sea venezolanonan y colombianonan pa nos isla. Algo cu Aruba lo no por ‘handle’ si e bira masivo. Den compensation cu e director di Dept di Relacionnan Exterior Agustin Vrolijk, e la confirma cu tin wowo sigur riba e situation. Ta trata di nos biciñanan mas grandi y serca y cualkier  dificultad cu ta bai mas leu di nan frontera, lo afecta nos isla. Esaki den sentido cu nos tin relacion comercial cu ambos di e paisnan aki. Cualkier disturbio lo trece mas di e hendenan pa nos Isla mirando cu nos ta e isla mas serca pa nan pa move.

Sinembargo no por bisa cu tabatin un indicacion di un exodus di trafico di tanto venezolano como colombiano pa Aruba. Aworaki ta solamente parse cu tin un guera di palabra entre e paisnan aki ta cai pero no a tende di actividadnan peligroso entre e dos paisnan aki.

Reino hulandes semper a keda neutral den e asuntonan aki mirando cu ta trata di problemanan interno di e pais y di otro banda tin un discusion cu tin entre dos pais bisiña di cual Aruba no  tin nada di haber cune.

E problema ta cu Colombia a permiti Merca ubica basenan militar riba su teritorio cu at algo cu Venezuela a nenga rotundamente. Sa tambe di e problemanan interno di e pais cu ta rekeri atencion. Normalmente den caso asina historicamente, un pais ta busca un atencion cu un punto pafo di su frontera pa e publico no por focus riba e problem nan interno.

Como tal ta safe pa compronde segun Vrolijk, cu departamento di relational Exterior ta vigilando e situation hopi di serca via di embahada di Reino na Caracas. Tin tambe seguridad national y otro instance cu ta informa di e situation. Si ta mira actividadnan peligroso entre e paisnan na frontera, of si ta solamente palabra. Miranda e situation cu presidente Uribe ta buscando mas information na instancianan internacional, no ta bisa cu Colombia ta preparando pa un guera contra Venezuela. Venezuela di su banda ta bisa publicamente cu nan ta preparando pa guera.

A confirma tambe cu tin un plan di contingencia pa varios aña caba dado caso bin un tipo di un exodus for di Venezuela of Colombia, den direccion di Aruba. A compronde cu lo tin sitionan special poni cla na Aruba segun un asina yama draai boek, unda cu lo por ubica un cantidad di persona como refugiado. Esaki tratando pues di cu ta sernan humano y cu no por djis nenga nan.