BARCADERA- E campeonato di baseball Hubenil ta sigui cu biento en popa na Dragon Hitters Ballpark na Barcadera. Diahuebs ultimo Braves a topa cu Athletics cu a resulta un weso duro pa e brabonan di Braves. E muchanan di Athletics no a haci wega den e wega aki y nan a regresa cas cu un Victoria convincente di 12-2 cu gran pitcheo di Emon Webb. Danny Tromp a carga e derota pa e equipo di Braves.
E mihor bateadornan pa Athletics tabata Jair Solano di 3-3, e propio Emon Webb di 2-2, Jordy Solano di 3-2, Ryan Oduber di 3-2 mientras cu Kevin Simileer y Nevin Figaroa a bati di 2-1 cada uno. Pa Braves tabata Danny Tromp y Aigel Brete, ambos di 3-1.