|
Team Aruba su prome careda na Bradenton, Florida |
|
Saturday, 06 February 2010 |
  FLORIDA- Durante e siman di 25 di Januari 2010 TEAM ARUBA a viaha di nan home base na Union, SC, pa Bradenton, Florida. Na caminda a pasa serca di Orlando, Florida unda Trevor Eman, driver di www. Aruba.com, ta studia na University of Central Forida (UCF). Trevor a join TEAM ARUBA asina pa sigi nan viahe pa Brandenton.
Na pista di Bradenton, for di Diamars, dia 26 di Januari a cuminsa cu testing cu e auto Pro Stock www.Aruba.com. E auto y motor a wordu completamente repasa durante off-season. Motor a bai na Jon Kaase Motors, Inc y e auto a bai na Rick Jones Race Cars, Inc. Diabierna dia 29 di Januari, na pista di Bradenton, a cuminsa e careda “US Street Nationals”.
TEAM ARUBA tambe a participa na e careda aki, apesar cu no tabata na su lugar pa TEAM ARUBA participa, pasobra tur auto cu TEAM ARUBA mester a competi contra tabata tin motor grandi, NOS, Turbo of Supercharger. Asina mes Trevor a logra qualifica number 5 cu un tempo di 4.10 ET coriendo 1/8th mile.
Durante eliminations Trevor a logra bay te semi-final perdiendo cu un 4.08 sec. contra un 4.07 sec. Pues, e tabata un careda hopi bunita pa wak y basta serca di otro. Despues di careda official tabata tin otro oportunidada pa test, pero e biaha aki den ¼ mile. Aki TEAM ARUBA a resulta e sorpresa grandi di e weekend. Trevor a core e ¼ mile den 6.26 sec. cu un top speed di 223.99 m/ph.
|
