|
Presidente di Parlamento ta rechasa acusacion di debilidad di su colega di fraccion |
|
Saturday, 06 February 2010 |
ORANJESTAD—Politica no ta cuestion di mustra forsa of debilidad, sino ta un arte di delibera. Y ta a base di deliberacion cu a yega na e decision, sosten’I pa fraccion di AVP y PDR pa pospone e reunion riba e raport di FATF. Esaki tabata locual Presidente di Parlamento drs. Andy Lee a bisa, despues cu su colega di fraccion Juan David Irausquin a acus’e di ta sucumbi pa presion di Gobierno.
Drs. Lee a bisa cu su colega di partido a trece su credibilidad como Presidente di Parlamento na duda, acusando e, di ta permiti Gobierno determina agenda di Parlamento. “Esey no ta e caso.
Hecho ta cu ta Presidente di Parlamento ta determina finalmente e agenda, conforme reglamento di ordo.”
Como un persona cu pa hopi aña a dirigi un departamento, y un politicologo, Lee ta hiba e pensamento cu prome cu tuma decision, su preferencia ta pa haci esaki despues di deliberacion. Y esaki a tuma luga tambe. “Ta fructifero pa hiba reunion cu participacion activo di otro hende.”
|
