Pa mas o menos 03:40 dokter Habibe a constata morto di e victima, na bida yama Mathieu Lucien Melenboer, naci na Hulanda dia 15 di December 1978, y biba na San Barbola 288-A.
Den vecindario di e cruzada polisnan a haya un bumper di un auto cu plachi number riba dje (A-33644) y asina a sospecha di ta un caso di "Hit & Run". Tambe nan a topa un testigo cu a presta declaracion y a bisa nan cu el a wak tur cos y cu e otro vehiculo envolvi a bandona e sitio. Tabata trata di un Sentra color beige. Un investigacion den vecindario a produci e auto envolvi, y pa mas o menos 6’or di mainta e chofer a entrega su mes na warda di Noord unda cu el a keda deteni pa investigacion.
Cuerpo Policial kier manda palabra di condolencia pa e famianan di e fayecido y kier bisa tambe cu den e caso aki, probablemente velocidad halto y falta di uso di seat belt lo a hunga un rol grandi den e accidente fatal aki.