|
Basebolista Derward Ruiz ta gana premio maximo di COPABE |
|
Monday, 08 February 2010 |
  ORANJESTAD- Anja pasa durante di e campeonato di baseball Panamericano na Venezuela, e basebolista arubano Derward Ruiz ta logra resalta den e torneo aki na unda cu su perosna ta logra dos premio individual, champion batter cu e mihor averahe esta 0.500 pues 12 hit den 24 turno y hungador mas valioso di e Panamericano. Den luna di maart, Derward lo tuma su premio como e mihor hungador di e Panamericano hubenil na Cartagena, Colombia.
Mester bisa cu Derward ta un hoben pelotero cu a cuminsa hunga baseball cu apenas 2 aña di edad cu e organisashon di Rockets (ABN Amro) bow maneho di sr. Eric Ruiz. Derward a cuminsa cu Rockets baseball organization, despues a hunga categoria 7-8 pa Rockies baseball organization pa despues bai den Indians baseball te cu su 11 aña, aki a dicidi di bai forma parti di Center League hungando cu Hernac I despues pasa pa junior league bow maneho di Coach Agusto.
Terminando aki a sigui pa senior league bow maneho di coach Rudney Lopez. Derward cu 12 aña hungando pa Hernac den Center League Little League a logra algo masha raro mes den baseball cu ta bati pa un cycle.
|
