ORANJESTAD – Nos futuro generacion di carnavalistanan a pasa un fin di siman masha alegre y placentero, caminda nan  tabata e protagonistanan y centro di atencion di nos Carnaval 56. Despues di un tremendo parada di Mucha na Noord; ayera a toca turno na Oranjestad cu tambe a saca cara cu nan tremendo parada di Mucha, por cierto masha bunita y luhoso, yen di hopi creatividad y fantasia.  Nos por bisa cu a apesar di algun contratempo chikito, e parada a bai bon y bon organisa. Riba e potret aki nos por mira e road piece cu a bai cu e 1er luga: Bida bou Lama "Nos Futuro". Pabien!