|
Sindicato di polis a presenta plan alternativa pa restructuracion di cuerpo di polis |
|
Saturday, 06 March 2010 |
 
ORANJESTAD – Sindicato di polis SPA ta determina pa trece cambio den e structura di polis y a tuma e prome paso ayera mainta pa logra esaki. Den un reunion ayera mainta na POVA, e sindicato su presidente Guilfred Besaril a presenta un plan na su miembronan cu ta planifica un restructuracion miho cu tur polis lo por biba cune. Esaki despues cu pa ultimo 10 añanan polisnan ta pasando den un restructuracion sin cu nan por keda cla.
Segun Besaril, e restructuracion di ultimo tempo tabatin critica continuo cu e no tabata bon, e tabatin hopi incomunidad y no tabata yega na e miembronan. Ta hopi facil pa para na banda ora cu e wega di futbol ta wordo hunga anto critica, pero eigenlijk mester lora manga y su subi tereno. Cu e mentalidad aki SPA a subi y a mustra cu nan ta bai traha riba un proposicion cu lo por sirbi como decking pa at least un gran porcentahe di e problematica keda resolvi.
Den e plan aki tin hopi hopi konopinan cu a wordo presenta durante e transision di 2002/2003 cu e cambionan den polis. E documento di ayera ta ensera netamente un hustificacion pakico e rangonan mester keda y con nan por wordo uza den un trayectoria caminda cu nan kier bai over na un meer funcionele organisatie pa loke ta e structura di KPA caminda por bisa cu no ta pasobra kier bai den un direccion, mester elimina loke ta funcionando perfectamente.
Tambe den e mesun proposicon ta bin cu un proposicion unda cu tin gruponan den overgangs fase cu mester wordo atendi prome cu cualkier cambio y mester di hopi atencion na e factor opleiding pa motibo cu den cualkier organisacion cu ta considera su mes dinamico y funcional, preparacion ta un rol masha hopi importante.
E miembronan ayera mainta a aproba e proposicion aki 100% den un asistencia bastante halto cu den hopi tempo e sindicato no a haya. Esei ya caba ta un indicacion caba cu e miembronan ta contento cu e labornan cu e sindicato ta bin ta haci. E miembronan a expresa publicamente cu nan kier mira un solucion den corto tempo.
A splica e miembronan tambe cu loke a trece como proposicion, no ta un documento heilig, esta cu nan kier hiba un documento cu ta carga apoyo di e miembronan y cu ta carga loke ta biba bou di e miembronan. E mester sirbi como un base pa e structura cu mester bai bin a corto plazo.
E plan aki lo mester wordo entrega dialuna mainta awor na minister di husticia Arthur Dowers. Prome cu esei lo bai adapta e plan conforme algun punto cu e miembronan a pidi pa tene cuenta cune y dialuna mainta pues e plan aki lo keda entrega na e mandatario di husticia.
|
