|
Stuart Smit y Aischel van der Linde ta gana medaya di plata y brons na Puerto Rico |
|
Thursday, 29 July 2010 |
 
ORANJESTAD - E taekwondistanan Arubiano, Stuart Smit y Aischel van der Linde ta logra puestonan historico pa Aruba, dor di conkista medaya di plata y di brons na e Weganan Centro Americano y del Caribe cu actualmente ta tumando luga na e ciudad di Mayaguez, Puerto Rico. Tabata e ultimo speranzanan di Aruba den e weganan CAC, ya cu esaki no a bay manera a ser spera, mirando e preparacion intensivo cu tur e atletanan a hiba, manera a ser bisa cu e preparacion tabata esun miho te cu awor aki. Ayera den oranan di atardi, Aischel van der Linde ta gana e medaya di brons den e categoria 49kg, ganando di e dama Mirllam Vargas di Puerto Rico. Mas laat tabata Stuart Smit cu a pone e cherry cu tabata falta ariba e bolo, apesar di a cay venci na man di su contrincante di Venezuela, Carlos Vasquez, e number uno di e pais bisiña y keda cu e medaya di plata pa Aruba. Remarcabel ta cu na e weganan Odesur algun luna atras, Stuart Smit a gana e mesun Carlos Vasquez, e biaha aki suerte no a toca Stuart, pero mas cu claro e plata ta mas cu bon bini. Cu e medaya di brons y plata di Aischel y Stuart den e Weganan CAC y e campeon di baseball Latino Americano, nos atletanan di deporte di Aruba a haci un cos. Pabien Aruba!!!!!
|
