Saturday, August 29, 2015 - 07:09

MAHUMA - Diabierna den careda di 3’or di atardi riba e caminda principal poco pabou di e crusada di Mahuma, a sosode un accidente entre dos auto.

Unidadnan policial a presenta na e sitio y a topa cu un pickup y un KIA Picanto basta kibra. Polis a wordo informa cu e Kia Picanto cu tabata bayendo abou a bay den trafico contrario y a dal basta duro semi frontal cu e pickup cu tabata bayendo ariba. Takelwagen di seguro a keda encarga pa lanta ambos vehiculo.

Saturday, August 29, 2015 - 07:05

ORANJESTAD - Loke a pasa siman pasa cu e sistema di Meteo pa midi biento pa avion ora di baha, ta wordo controla te ora cu e ekiponan nobo yega.

“Ora cu e problema a tuma luga siman pasa, a tuma contacto mesora cu Servicio di Meteo di Corsou y di Hulanda, caminda cu e prome a brinda ayudo y por a mira cu den un rato e problema a wordo soluciona. E servicio di Hulanda tabata ocupa mandando instrumentonan di backup cu por haci uzo di dje. Si e sistema dal full abou na aeropuerto por ehempel, aviacion lo keda full safe. Ta premira cu e sistema cu a drecha ta keda bon por lo pronto.”

Saturday, August 29, 2015 - 07:03

ORANJESTAD - Diahuebs anochi edificio di parlamento a keda basta kibra despues di e reunion unda cu a aproba ley di supervision pa Aruba. Esaki a pone cu esunnan disgusta a rabia y a dicidi di kibra e edificio. Diabierna reunion importante a tuma luga pa locual ta e daño cu a wordo haci pa cual aki presidente di parlamento Sra. Marisol Lopez - Tromp a splica mas di e situacion.

Saturday, August 29, 2015 - 07:01

Durante manifestacion
Algun Polis a resulta herida durante e manifestacion dilanti edificio di Parlamento diahuebs ultimo. Esaki, segun cuerpo policial, ta pone cu mester bolbe analisa e reglanan ora di atende cu tipo di actividadnan asina.

A pesar cu na un principio a demostra un grado masha halto di tolerancia pa cu e manifestantenan, na final a nota un grupo chikito cu tabatin otro metanan. Na tur Polis a detene 12 persona na e sitio. Despues di evaluacion, Fiscal Auxiliar a laga 6 di e sospechosonan bay cas y a mantene 6 sospechoso encarcela pa mas investigacion.

Saturday, August 29, 2015 - 07:00

SANTA CRUZ - Diabierna mainta patruya di Sta Cruz ta topa cu un Toyota Tercel. Den e auto tabata tin cu 4 hoben y un damita. Polis a tuma nota cu e Tercel no tabata tin plachi number patras.

Pages