|
Trahadonan di Dept di Labor a bai den accion ayera merdia |
|
Wednesday, 27 February 2008 |
ORANJESTAD – Disgusta y malcontento di e trahadonan di Departamento di Labor a pone cu ayera merdia a dicidi di tene un walkout cu aprobacion di nan sindicato SEPPA. Segun e presidente di sindicato SEPPA, a mustra cu a tene un reunion recientemente cu tur e delegadonan riba indexering. Aki a resulta cu fuera di indexering, tin un cantidad di asunto cu no ta soluciona ainda. Como tal e parti di indexering tabata e gota cu a pone e hemchi bai over. Cu e accion di ayera, e trahadonan ta mustrando nan malcontento cu te ainda no a logra reunion cu gobierno. |  |
 | A mustra cu gobierno ta solamente manda cartanan bisa cu ainda nan ta studiando e posibilidadnan pa un eventual pago di indexering. Algo cu pa e trahadonan di Dept di Labor tabata inaceptable. “E hecho cu nan ta reaccionando riba e asunto di indexering ta e toppunt riba un cantidad di problema cu cada un di e instancianan aki ta pasando den dje. Y falta di atencion y decision y boluntad tambe pa sinta na mesa cu sindicato pa resolve e problema cu e trahadonan ta pasando aden. Despues di e accion di ayera, Brito a mustra cu no ta descarta cu tin mas problema na caminda. |
E problema di Dept di Labor ta cu nan no ta gusta e tipo di contesta cu nan ta ricibiendo di nan representantenan for di gobierno. Locual ta bai sosode ta cu tur e informacionnan aki ta bai wordo traspasa bou di e diferente trahadonan y no ta descarta cu e otro departamentonan aki lo por bai reacciona mesun forma cu e trahadonan di dept di Labor a haci ayera. |
