|
Joran vd Sloot a wordo interna den un instituto psychiatrico na Hulanda siman pasa |
|
Wednesday, 27 February 2008 |
ORANJESTAD – Joran vd Sloot a keda interna den un instituto psychiatrico na Hulanda siman pasa. Esaki a keda confirma recientemente via su famia cercano. E motibo di esaki ta pasobra Joran lo a ‘flip’ y no tabata su mes mas. A haya pues necesario pa interne pa asina e haya e tratamento necesario pa mehora su salud.E noticia aki pa hopi no a bin como sorpresa mirando e estado cu vd Sloot tabata aden y e forma con e tabata actua desde cu e la haya su mes envolvi den e caso di Holloway.
Un hoben di su edad, pasando den tanto atencion negativo asina, lo por krak cualkier momento. Comentarionan cu por a tende riba e noticia aki, ta cu esaki pues no a bin como sorpresa.Den pasado caba su famia kier a dune atencion psychiatrico debi na su actuacionnan molestoso familiar. A haci varios intento pa e bai bou tratamento di un psychiater. |  |
Pero na tur instancia Joran mes a nenga esaki bisando cu e no ta sinti cu e mester di un psychiater pa atende su supuesto problemanan.
Como respuesta pa esaki e la dicidi di skibi un buki di 351 pagina titula “De Zaak Holloway”, cu e la produci cu ayudo di un periodista femenino Hulandes. Pa Joran vd Sloot, esaki tabata e miho forma di terapia posibel pa e por a ‘deal’ cu tur loke e la pasa y ta pasando aden for di dia cu e la topa Natalee Holloway 3 aña pasa. |
