|
Recherche di Noord ta desmantela un banda grandi di ladron |
|
Sunday, 02 March 2008 |
BUSHIRI – Ayera mainta e habitantenan di Bushiri Complex a lanta un tiki mas tenpran cu custumber, pa ta exacto 5’or di marduga, na momento cu team di aresto a drenta varios cas y haci dos detencion. Hunto cu esaki team di recherche a bin detene tres individuo mas.Ta asina cu despues di un investigacion basta intenso, di parti di e team di recherche di Noord nan a bin logra haya suficiente evidencia pa detene e sospechosonan aki.
E cinco sopechosonan aki ta autornan di un cantidad grandi di robo na e hotelnan chikito y den Bushiri y besindario. |  |
A haci uso di diferente departamento di Noord den e operacion aki
E personanan cu a keda deteni ta R.A.K di 49 aña, J.L.P. di 15 aña, R.J.P. di 23 aña, W.R.K. di 21 aña y J.J.W., tur di nan a keda deteni den Bushiri Complex. Un cantidad grandi di articulonan horta a keda confisca, y no ta descarta cu den e dianan benidero mas detencion lo cai.
Ayera mainta vocero policial, señor Papito Comenencia a duna un conferencia di prensa y a reitera cu tabata un bon trabou di parti cuerpo policial, specialmente di parti di e team di recherche di Noord, y tambe e otro departamentonan cu a yudanan den e investigacion aki, entre otro Strand Politie.
|
|
