Protestanan ta creciendo rond di Gaza y West Bank, incluyendo Ramallah, unda cu ya caba autoridadnan mester a tuma medida fuerte pa maneha e situacion. Ciudadanonan di Palestine ta protestando riba cayanan di Bethlehem, Ramallah y Jerusalem despues cu presidente di Merca a anuncia ayera cu Jerusalem lo keda reconoci como capital di Israel.
Lider di Hamas a haci un yamado pa un intifada nobo of un revolucion, cual a ricibi critica pisa for di lidernan di Palestine. Varios lider rond mundo a critica e decision aki despues di anuncio di Trump, algun di nan bon aliado di Merca – incluyendo UK, Alemania, Francia, Saudi Arabia, Turkia y Jordan.
Fuente: CNN
