Ayera mainta e atleta elite Monica Pimentel a biaha pa Nuevo Leon, Mexico. Aki ta unda e atleta lo competi den dos competencia. Esaki ta segun e fuente di 297Sports.
Dia 7 di maart Monica lo bringa pa e clasificacion pa e weganan Centro Americano y del Caribe Barranquilla 2018 mientras cuater dia despues e lo bringa den e torneo Ooen G1 di TF unda e miho taekwondistanan lo t’ey presente.
Monica lo entrena cu e seleccion di Nuevo Leon y lo prepara su mes algun dia cu fogeo/topes. Na Mexico, Monica lo wordo guia pa coach nacional di taekwondo Teo Rodriguez.
