FLORIDA (AP) – Un ex studiante di un scol secundario na Parkland, Florida kende e scol a manda cas aña pasa pa motibonan disciplinario a mata por lo menos 17 studiante di su scol.
E sospechoso Nikolas Cruz (19) a wordo deteni. Prome cu el a bay e scol pa tira mata hende, el a post mensahenan riba medionan social cual polis ta cualifica como ‘very, very disturbing’. Prome cu e edicion aki a cera nan a identifica 12 di e 17 victima fatal. Esaki ta e di cuater tiramento na scol na Merca e aña aki caba.
E motibo oficial tras di e tiramento no ta conoci ainda. Pero segun un declaracion di un studiante, scol a manda sr. Cruz cas despues un bringamento cu e guy nobo di su ex chick. Segun e studiante sr. Cruz tabata abusando e mucha muhe. Despues su expulsion, sr. Cruz a bay un otro scol pa atende les. E sospechoso tabata haya tratamento di un clinica di salud mental pero e ultimo aña a keda sin bay.
Segun otro studiantenan sr. Cruz a post potretnan di dje cu arma y tambe a post riba matamento di bestia. Nan ta describi como un persona cu tabata keda hopi riba su mes pero gradualmente su comportacion a cambia. El a cuminsa menasa otro studiantenan te e momento a yega cu e scol a dicidi su expulsion.
