Home Internacional Productor Oxygen ta lamenta demanda huridico di Beth Holloway

Productor Oxygen ta lamenta demanda huridico di Beth Holloway

621

BIRMINGHAM (AP) – Den un reaccion diahuebs ultimo e productor Mericano Oxygen Media ta bisa cu nan ta lamenta e demanda huridico di Beth Holloway, mama di Natalee kende a disparce den 2005  na Aruba. 

E mama ta pidi 35 miyon dollar di e productor di e documentario The Disappearance of Natalee Holloway como cu e ta haya cu e programa aki no ta trece e berdad. E ta papia di un presentacion incorecto y un documentario falso cu a ten’e den suspension pa simannan largo por nada. E serie di seis episodio tabata entre otro riba e descubrimento di supuestamente e wesonan di Natalee cu nan a haya na Aruba. Pero segun sra. Holloway ya e productornan sa cu e pida wesonan no tabata di dje prome cu nan a ‘supuestamente test’ nan riba television.

Den su declaracion awo Oxygen ta bisa cu nan tin ‘compasion profundo y simpatia’ pa e famia di Natalee, sinembargo tabata desapunta pa e caso kende Beth Holloway a entama. 

Nan ta bisa cu e programa tabata sigui e tata Dave Holloway, ex casa di Beth, den su buskeda pa haya contestanan kico a pasa cu su yiu muhe. “Nos a spera hunto cu sr. Holloway, cu e informacion tabata duna un contesta final. Nos no por comenta mas awor cu e caso pendiente.”