Prome comentarionan na urna 20 awe mainta, St. Dominicus College na Playa ta mustra cu hende no sa pa ken nan lo vota. Diferente persona den rij ta bisa cu lo dicidi na ultimo den stemhok.  Un persona ta puntra nos reportero cu un poco desesperacion pa conseha ki e mester vota. Pafo dos simpatisante di MEP y un di AVP ta cuminda hende y hari cu otro. Nan mester keda riba distancia pasobra no mag di haci propaganda dentro di 50 meter di un urna.

Hende no mester warda largo, e urna ta traha eficiente ora nos ta dal un bista paden. Sinembargo tin cu ta keha si di e calor y cu nan mester para un rato den solo. “Nan por a pone tent”, un ciudadano ta keha. Riba lista cu gobierno a emiti por mira cu 1141 persona por vota na urna na St. Dominicus College.