Quota International Aruba manera custumber pa basta aña caba partiendo earplugs durante parada di mucha na Playa ayera atardi.
Bon Dia Aruba tabata presente durante parada di mucha ayera atardi unda nos por a tuma nota di varios miembro di Quota kende tabata cana rond pa asina parti earplugs pa tanto muchanan como adultonan. E dos diferente tipo di earplugs pa mucha y adulto pa algun tempo caba por wordo cumpra pa un contribucion simbolico di 1 florin. Muchanan tabata hopi entusiasma pa haya nan earplugs di e miembronan. Algun persona cu nos a acerca a gradici Quota pa nan servicio na comunidad pa tanto aña sigui.
