Den weekend cu a pasa tabata tin continuacion di campeonato di AVB 2017/18 division Menor den CD Franklyn Bareño na Piedra Plat. SV Britannia CMC a enfrenta e fuerte ekipo di Brazil Jrs. For di pitaso SV Britannia a sali brabo y a domina e wega completo y na final ta bin gana e wega cu score di 8-0. Golnan di SV Britannia CMB a wordo anota pa; Moises Castro1x, Jose Sophia4x, Wesley Illes2x y Romano Maduro1x. Tambe nos ta yama Moises Castro, Kyle Budhu Lall y Xander Wouters bon bini bek na Aruba despues cu nan a haci un try-out na Hulanda y actualmente ta wardando contesta di Hulanda.
