Durante henter dia di awe a tuma luga entregamento di lista di tur partido politico cu lo participa na eleccion parlamentario 2017. Un total di 10 partido lo participa pero esaki dividi den 9 lista ya cu tin e lista combina di partidonan PPA y UPP.
E dia a bay relativamente keto y segun hopi persona cu tabata presente, e la bay bon cordina. Por a nota cu tabata tin un coperacion entre e Conseho Electoral y tambe Cuerpo Policial. Te na e momento aki nos no a haya ningun notificacion cu lo tabata tin algun tipo di confrontacion of otro tipo di eventualidad.
Bon dia Aruba tin un cobertura amplio cu lo keda publica den nos corant di mayan. Tambe por pasa bishita nos Facebook page, caminda tin un serie di videonan cu entrevista y momentonan cu e partidonan a entrega nan lista.
Por click riba e listanan aki:
Kandidatenlijst-MAS-2 – Kandidatenlijst-CURPA – Kandidatenlijst-RED – Kadidatenlijst-POR – Kandidatenlijst-ABO – Kandidatenlijst-AVP – Kandidatenlijst-MEP – Kandidatenlijst-RAIZ – Kandidatenlijst-PPA-en-UPP
