Nacionnan Uni a renoba su apelacion pa un acuerdo cu rebeldenan di Syria parti oost di Ghouta, mientras tin reportahenan di mas atakenan tumando luga. Consul di siguridad di Nacionnan Uni a haci un peticion diasabra pa tur partidonan stop di bringa pa un periodo di 30 dia sin retraso.
Pero aliado di gobierno di Syria na Rusia a laga sa cu e acuerdo aki solamente por tuma luga si nan bay di acuerdo pa impementa esaki. Activistanan a reporta cu 9 ciudadano a wordo asesina den un atake di gobierno riba e ciudad di Douma. Alomenos 541 persona a wordo asesina door di escalacion di atakenan di gobierno siman pasa.
Enfermera: ‘Otronan sa cu nos ta existi?’
Bereen Hassoun, un enfermera na ciudad di Harasta, Syria a duna un testimonio tocante su experiencia cu e campaña intenso di atakenan entre regimen di Syria y rebeldenan recientemente. Bao control di rebeldenan anti-regimen, poblacion di Ghouta ta bao atakenan constant desde 2013.
Mas cu 120 persona a muri na consecuencia di esaki entre 6 – 8 februari 2018, y riba 19 di februari nan a mira morto di 110 persona riba un solo dia. Algun ta bisa cu e cantidad di ciudadanonan cu a wordo mata recientemente ta rond di 1000 den e ultimo tres luna. Infrastructura tambe ta sufriendo dañonan hopi grandi, cu cuater hospital destrui riba 19 di februari.
Un dokter na Ghouta a papia cu The Guardian y declara cu: ‘Nos ta para den un masacre di e siglo. Si e masace den añanan 1990 tabata Srebrenica, y masacrean di 1980 Halabja, Sabra y Shatila, awor ta na Ghouta e masacre ta tumando luga den e temponan aki.’
Por lesa mas riba: Globalvoices
Fuente: BBC
