Home Internacional Venezuela: Corte Penal Internacional ta habri investigacion preliminar contra gobierno

Venezuela: Corte Penal Internacional ta habri investigacion preliminar contra gobierno

1190

(ElNacional) – Fiscal di Corte penal internacional na Den Haag a habri un investigacion preliminar encuanto Venezuela pa e forsa excesivo uza pa polis pa plama y reprimi manifestacionnan,y abuso grave contra persona deteni, asina e institucion a informa den un comunicado.

E examen preliminar lo analisa delito cometi desde april 2017, durante e manifestacionnan na Venezuela desde e luna ey, tempo cu tribunal supremo di husticia a laga  Asamblea Nacional (AN), di mayoria opositor,sin competencia.

Segun e comunicado di e Fiscal, lo investiga e f’orsa excesivo’ utilisa pa forsanan di siguridad di estado den e demostracionnan, y e detencion y encarcelamento di miles di miembro di oposicion, real o aparente, y cu algun di nan a keda someti na abuso grave.

E institucion ta reconoce cu, den e protestanan ey, algun grupo di manifestante lo a recuri na medionan violento, loke a provoca lesion o morto di algun miembro di e forsanan di siguridad.

Tambe el a recorda cu un investigacion preliminar no ta un investigacion pleno, sino un “proceso via cual ta examina e informacion disponibel pa determina, cu pleno conocemento di causa, si ta existi fundamento rasonabel pa procede cu un investigacion.”

E Corte Penal ta un instancia hudicial di ultimo recurso y ta wordo goberna pa e principio di complementariedad; es decir, no lo interveni si husticia Venezolano lo ehecuta investigacion genuino encuanto e echonan investiga.

E Fiscal a indica cu no tin un tempo estableci encuanto e duracion di un examen preliminar, ya cu esey ta depende di e hecho y circunstancianan di cada situacion, y ta reserva e derecho di continua recopilando informacion pa establece si ta inicia un investigacion completo, o si no tin un base rasonabel pa procede.

Den otro caso, Fiscal a habri diahuebs pasa otro investigacion preliminar na Filipina pa crimen presuntamente cometi desde juli 2016 durante e campaña denomina ‘guera contra droga’ lansa pa presidente Rodrigo Duterte.