Segun un articulo publica via Rivers of Carbon (riversofcarbon.org. au), no mester descarta e importancia grandi cu wetlands (manera na Bubali of Saliña Cerca) tin pa un pais den su eficiencia pa locual ta conservacion di naturalesa.

Pa mes motibo aki na Aruba por mira mas accion riba e proteccion di e areanan special aki por medio di entre otro organisacion ambiental Aruba Birdlife Conservation. E resultado di un research nobo ta yudando cientificonan compronde e importancia di wetlands y nan rol den control di polucion. Como tambe brindando guiansa pa restauracion di wetlands y kico e beneficionan di esaki ta. E regionnan agricultural di Merca tin un problema cu exceso di nitrate cual ta wordo produci pa uza como fertilizer den agricultura. Nan calidad ta halto y nan ta biodegradable.

Pero concentracion halto den nitrate den awanan ta dañino na ecosystems y salud humano segun e articulo di ROC. E ta contamina awa di bebe, anto den e caso aki, eventualmente ta expandiendo e tamaño di e ‘dead zone’ na e Gulf of Mexico. Un estudio recientemente publica den e Nature Geoscience Journal di National Science Foundation ta mustra con varios wetlands ta sumamente efectivo den reduci nivelnan aki di nitrate den awanan/riunan. Areanan di Wetland ta aparentemente cinco biaha mas fuerte den su abilidad pa reduci nitrate cu cualkier otro strategia y mantene nos awanan limpi.

Resultadonan di investigacion
 E estudio aki ta demostra cu e mantencion di Wetlands den areanan agricultural lo reduci nitrate den riunan anto mehora calidad di e awa local, na mes momento reduciendo exportacion di nitrate den e ‘hypoxic’ zona di Gulf of Mexico. Uzando algun pruebanan di awa colecta den un periodo di cuater aña, for di mas cu 200 areanan den un zona na Minnesota River Basin, hunto cu informacion ‘geospatial’ riba tera den e area aki, e efectonan di wetlands riba stream/riunan a keda isola di concentracionnan di nitrate. E estudio a produci algun resultado basta interesante:

-Ora cu tin un ‘stream’ halto, wetlands ta cinco biaha mas eficiente den reduci nitrate cu cualkier practica di conservacion.
-E areglo di wetlands den cierto areanan ta predica e magnitud di reduccion di nitrate. Ora filters di wetland core na 100% di un area di drenahe, nan ta tres biaha mas efectivo den reduci nitrate cu ora e filter bay na un 50% di un area di drenahe.
– Reduccion di nitrate den areanan temporario di wetlands y den wetlands geograficamente isola (esnan no conecta na un riu), manera esnan cu ta forma den ditchnan agricultural, ta mas grandi durante ‘stream flows’ mas halto.

Cambionan den clima
“Esakinan ta pasonan hopi importante pa reconoce cu manera nos perde wetlands, nos ta perde tambe cierto beneficionan cu ta yuda den control di polucion”, Amy Hansen, un investigado di e Universidad di Minnesota St. Anthony Falls Laboratory ta bisa. E contribuicion di areanan chikito di wetlands ta specialmente importante pa e futuro mirando kico ta e prediccion pa locual ta cambionan den clima. “Nos trabao ta mustra cu restauracion di wetland por ta un di e metodonan di mas efectivo den mehora calidad di awa den caso di cambio di clima, anto hisa e demanda global pa cuminda”, Jacques Finlay, ecologista na Universidad di Minnesota ta bisa.