FILE - In this Feb. 6, 2019 file photo, Barcelona forward Malcom, right, and Real's Marcelo run for the ball in front of an Estelada or pro-independece flag during the Copa del Rey semifinal first leg soccer match between FC Barcelona and Real Madrid at the Camp Nou stadium in Barcelona, Spain. Next week's "clásico" between Barcelona and Real Madrid, due to be played on Oct. 26, 2019, has been postponed by the Spanish soccer federation to avoid coinciding with a large separatist rally in riot-stricken Catalonia. The federation's competitions committee says Barcelona and Madrid have until Monday to decide on another date. (AP Photo/Manu Fernandez, File)

E ‘clasico’ entre Barcelona y Real Madrid otro siman a keda posponi ayera pa federacion di futbol Spaño, pa evita coincidi cu un rally separatista grandi na Catalonia.

E comite di competencia di e federacion a bisa cu Barcelona y Madrid tin te cu dialuna pa dicidi un fecha nobo. Ambos team a bisa ayera cu nan lo kier hunga e partido dia 18 di december.

E liga Spaño tabata kier move e partido for di Barcelona pa Madrid pa motibo di preocupacion pa siguridad, cu e wega di retorno automaticamente cambia di Madrid pa Barcelona. Pero e comite di competencia a rechasa e idea, bisando cu ta contra reglanan pa inverti e orden di e weganan.

E federacion, den consulta cu oficialnan di gobierno, a bisa diahuebs cu no ta sigur pa hunga riba e mesun dia cu e rally. E liga Spaño ta maneha e divisionnan top den e pais, mientras e federacion ta controla regulacion y partidonan pa weganan profesional y amateur.

E region nort oriental di Catalonia ta sacudi pa protestanan violento tur anochi desde cu Corte Supremo a duna veredicto dialuna pa sentencia nuebe lider separatista na prizon. Alrededor di 400 persona, mita di nan agente policial, a resulta herida y mas di 120 aresta, mientras manifestantenan radical a uza bom di gasolin, acido, piedra y klapchi pa bringa contra cantidad grandi di polis.

Gruponan separatista a yama pa sostenedonan rally na Barcelona dia 26 di october proximo, e fecha original di e partido.

Tabata parce cu tabatin miedo cu e protesta lo bay for di man y haci acceso na Camp Nou dificil of crea disturbio durante e partido.

Minister di Interior interino, Fernando Grande-Marlaska a bisa cu si hunga e partido dia 26 di october ‘facilmente lo por a tin problema cu siguridad cu lo pone den riesgo e tenemento pacifico di e partido’. Sinembargo, el a agrega cu ‘evidentemente nos tin e medionan necesario pa garantisa siguridad ki ora cu tene esaki’.

Barcelona a bisa cu lo tabata kier a hunga e partido riba e fecha original y cu ‘tin confiansa absoluto den e actitud civico y pacifico di su fanaticonan’.

E ‘clasico’ ta e partidonan mas grandi di aña na Spaña y algun di e partidonan mas mira rond mundo.

Banderanan di independencia Catalan ta un bista regular na partidonan di Barcelona na cas, como tambe ta gritonan di ‘independencia!’ di sostenedo di separatista.

 

LEAVE A REPLY

Please enter your comment!
Please enter your name here