Home Deporte 6 hoben lo haya chens pa try out na Sparta Rotterdam

6 hoben lo haya chens pa try out na Sparta Rotterdam

311

Recientemente a  tuma luga s soccer camp di Benu-Sparta-ASA durante e prome siman di april . Mas o menos un 200 mucha a participa na e camp aki. Pronto ASA lo bin cu mas noticia di e 6 hobennan cu ta bay pa try out na Sparta Rotterdam, nan ta informa.

Originalmente, ASA a organisa un camp cu cupo pa 100 mucha, pero e demanda tawata asina grandi cu nan a habri dos chance di train mas parti merdia, pa por acomoda mas mucha cu tabata deseo di bin train.

E training nan a tuma luga de stadion Frans Figaroa, bou guia di coach Dolf Roks, e hoofd jeugdopleider di Sparta Rotterdam, y coach Nourdin Boukhari cu despues di un carera internacional den futbol awor tambe ta coach e jeugdoleiding di Sparta.

Ambos coach a manifesta cu nan a wak algun talento hoben na Aruba, y ta bay manda un invasion pa 6 di nan pa bin pa un try out na Sparta Rotterdam, cual sigur ta noticia hopi grandi pa Aruba.

Tambe coach Dolf y coach Boukhari a laga sa di ta bin bek Aruba sigur den futuro, pa asina por duna oportunidad na mas hoben talentoso pa bay purba nan suerte riba nivel profesional.

ASA ta sumamente agradecido na tur e patrocinadonan cu a haci e camp aki posibel, Benu Pharmacy cu tawata patrocinado principal, pero tambe Tamarijn & Divi All Inclusive Resorts, Arubiano Local Brand, doc Opleidingen, Diario, Cooper Tires, White Modern Cuisine, Wendy’s Aruba, Taco Bell Aruba,  Deli Caribbean, Quinta del Carmen y Ferm Caribbean Trading.