FILE - In this Monday, Sept. 9, 2019 file photo, FIFA president Gianni Infantino speaks to members of the media on the South Lawn of the White House in Washington. Soccer governing body FIFA says its $1.5 billion coronavirus relief plan to revive the sport and help national associations stay afloat comes with “strict compliance and audit requirements.” “This relief plan is a great example of football’s solidarity and commitment in such unprecedented times,” FIFA President Gianni Infantino said Wednesday, July 29, 2020. (AP Photo/Andrew Harnik, file)

Un fiscal special Suiso a habri un caso criminal contra presidente di FIFA, Gianni Infantino ayera, lansando cuerpo futbolistico den un scandal nobo, y potencialmente menasando e carera di e homber kende a bin den e federacion pa restaura su reputacion mancha.

FIFA a bisa cu e y Infantino lo coopera cu autoridadnan Suiso despues cu fiscal Stefan Keller – apenas un luna den su posicion – a conclui cu tin suficiente evidencia pa bay corte, despues di investiga e circunstancianan di un reunion cu Infantino a tene cu Procurador General Suiso, Michael Lauber.

E scandal involucrando Lauber, ken a entrega su retiro siman pasa, ta centra riba tres reunion cu e tabatin cu Infantino den añanan recien – incluyendo un cu e no a revela y a bisa cu e no ta corda – net na momento cu e tabata liderando un investigacion amplio riba corupcion den futbol.

Keller, un hues di corte regional, a descubri ‘elementonan cu ta considera comportamento condenabel’, segun un panel di supervision cu ta monitor fiscalnan federal a bisa den un declaracion. El a habri e caso contra Infantino y fiscal regional Rinaldo Arnold, un amigo di infancia di e hefe di FIFA, y a busca autorisacion pa habri un caso contra Lauber.

Keller, nombra na e puesto di fiscal special dia 29 di juni ultimo, a haya infraccionnan posibel incluyendo abuso di cargo publico, violacion di secresia oficial, ‘asisti delincuente’, y ‘incitacion na e actonan aki’, e panel a bisa, agregando cu tambe lo considera otro actonan y proceduranan criminal.

Bou codigo criminal Suiso, condena pa abuso di cargo publico por trece cune castigo di hasta cinco aña den prison of otro detencion, mientras violacion di secresia oficial y asisti delincuente por trece cune tres aña cada un. Cada cargo tambe por genera castigo financiero.

No a keda claro si Keller ta kere cu e supuesto violacion tabata e mero hecho cu Lauber a reuni cu Infantino, of si a divulga informacion comprometedor durante nan combersacion.

Na maart a haya cu Lauber a gaña y obstrui e panel di supervision. Su investigacion a cuminsa despues di reportenan aña pasa cu a bisa cu e tabatin un reunion secreto cu Infantino na un hotel na Bern na juni 2017. Lauber no a tuma nota durante e reunion y despues ambos a bisa cu no ta corda detayenan di nan discusion.

Tabata nan tercer reunion cu a keda secreto na momento cu Lauber a yama un conferencia di prensa na november 2018 pa reconoce e dos anterior, cual a keda revela den e serie ‘Football Leaks’ cu a publica documentonan confidencial di industria di futbol.

Lauber y Infantino, den negocia pa Arnold, anteriormente a reuni dos biaha – poco despues di eleccion presidencial di FIFA na februari 2016.

Diabierna siman pasa, Lauber a ofrece su renuncia apenas algun minuut prome cu un corte federal a sostene acusacion cu el a gaña tocante e tercer reunion – en esencia rechasando su apelacion di e veredicto na maart. “A base di experiencia general di bida, un caso asina di amnesia colectivo no ta normal”, segun e veredicto di corte federal.

 

LEAVE A REPLY

Please enter your comment!
Please enter your name here