EDS NOTE: OBSCENE LANGUAGE - A poster of a bike helmet campaign is displayed in front of Germany's transport ministry in Berlin, Monday, March 25, 2019. The cycling safety campaign has drawn accusations of sexism even inside the governing coalition for featuring scantily clad women. (AP Photo/Markus Schreiber)

BERLIN (AP) — Ministerio di Transporte Aleman ta bisa cu nan ta defende un campaña di siguridad di ciclismo, cu a ricibi acusacion di sexismo hasta dentro di e coalicion di gobierno, door di a mustra muhenan cu tiki paña bisti.

E campaña, lansa pa e minister di transporte conservador, tin como meta persuadi ciclistanan jong pa bisti helm y ta uza e slogan den Ingles: “Looks like s***. But saves my life.”

Criticonan a enfoca riba e falta di paña riba e modelonan.

Como contesta, Franziska Giffey, e minister centroiskierdista pa muhenan, a post un potret di su mes riba un bicicleta cu un helm bisti, y e palabranan: “Bo por bisti un helm hasta ora bo tin paña bisti.”

Vocero (femenino) di ministerio di Transporte, Svenja Friedrich, a bisa ayera cu e campaña di bicicleta tabata intenciona pa hala atencion, y tambe ta mustra modelonan masculino. El a bisa: “Nos por compronde absolutamente e critica di varios banda, pero ainda nos ta para pa e imagennan.”