Alexander Zverev a contrata David Ferrer como coach pa un periodo di prueba, segun e Aleman rango No. 7 a bisa ayera.

Zverev a skirbi riba Instagram cu e ‘no por ta mas emociona pa cuminsa traha’ despues di join pa un ‘periodo di prueba’ cu e finalista di French Open 2013 mientras nan ta spera pa e tour reanuda durante pandemia di coronavirus.

Zverev tabata e ultimo oponente di Ferrer den e tour. El a derota e Spaño den e segundo ronda na Madrid aña pasa, den e ultimo torneo di Ferrer prome cu su retiro.

Zverev a agrega cu el a retira di e serie di torneo di exhibicion proximo siman na Berlin. Zverev tabata un di e hungadonan cu a enfrenta critica publico pa nan participacion den serie Adria Tour di Novak Djokovic, despues cu cuatro hungado, incluyendo Djokovic, a test positivo pa coronavirus.

“Mi a tuma e decision di keda unda mi ta y train cu mi team y no hunga den ningun evento organisa na e momento aki”, Zverev a bisa. “Nunca ta bunita pa perde e chens di hunga na cas, pero mi lo ta back pronto.”

Zverev a bisa ayera cu el a test negativo pa coronavirus tres biaha.

LEAVE A REPLY

Please enter your comment!
Please enter your name here