Apenas un punto leu di victoria: Williams ta perde contra Pliskova

Cuater biaha, Serena Williams tabata apenas a un punto – un solo punto – di logra e victoria den e cuartos di final di Australian Open.

E prome di e oportunidadnan aki, na 5-1, 40-30 den e di tres set, el a bira su enkel links den un forma straño. E doño di e miho serve den e deporte lo perde tur punto cu el a serve e resto di e wega.

Y asina ta con un reversion y resultado sorprendente a tuma luga ayera na Melbourne Park, cu Williams bahando durante e ultimo seis wega di un perdida 6-4, 4-6, 7-5 contra e #7, Karolina Pliskova di Republica Checo.

E Mericano, di 37 aña di edad, no a pidi pa un trainer durante e partido, y despues no a culpa su enkel pa e forma con tur cos a cambia, bisando despues cu ‘ta mustra bon’.

Pero na luga cu Williams move mas cerca na un di cuater victoria na e Australian Open y un record di 24 titulo Grand Slam total, ta Pliskova kende lo continua den buskeda di su prome trofeo mayor. E salida sorprendente di Williams a destrosa locual lo a bira un revancha hopi anticipa contra Osaka, kende a vence Williams den e final caotico di U.S. Open september ultimo.

E derota aki ta esun mas trempan na Australia pa Williams desde 2014, ora el a sali cu un perdida den e di cuater ronda contra Ana Ivanovic. Desde e dia ey? El a gana e torneo na 2015, perde den e final na 2016, y gana atrobe den 2017 mientras e tabata na estado, prome cu su ausencia e aña aki pa motibo di nacemento di su yiu. Pa locual ta trata e record di Margaret Court, di 24 titulo di Slam den singles, Williams a bisa:  “E no a pasa ainda, pero mi ta sinti cu e ta bay pasa.”

E wega contra Pliskova a tuma luga bou un solo fuerte, cu temperatura rond di 25 grado Celsius. Williams – yegando di un victoria intenso den 3 set contra #1 Simona Halep den e di cuater ronda – frecuentemente tabata para den e sombra tras di cada base.

Sinembargo, Williams a concede cu no ta pa motibo di su fayo cu Pliskova a gana, sino cu el a hunga ‘su miho tennis’. “Mi no a haci nada malo den e puntonan di wega ey. Mi no a haci nada fout. Mi a keda agresivo”, Williams a bisa. “Djis cu literalmente el a dal riba e linea den algun di nan.”

You May Also Like

Crossfit Open 2018 a cuminsa

Recientemente a cuminsa Crossfit Open 2018 cu a wordo organisa mundialmente pa tur e ...

Sarah-Quita OFFRINGA ta sigura su segundo triunfo di temporada di competencia windsurf na Hapon

Na cuminsamento di añanan 90 e deporte di windsurf tawata hopi popular na Hapon. ...

Plata pa judoka Sophia Petrocchi na Weganan Sur Americano Hubenil

Sophia Petrocchi a gana plata den e categoria judo 52 kilo. Segun Comite Olimpico ...

Delegacion di tennis a prepara pa Weganan Sur Americano Hubenil

Como preparacion pa e Weganan Sur Americano Hubenil 2017 cu lo tuma luga dentro ...

San Nicolas Taekwondo Center a sali best team na e di 9 Ultimate Taekwondo Cup

Diasabra ultimo Brazil Taekwondo Stichting a organisa e di 9 Ultimate Taekwondo Cup y ...

Campeonato nacional di volleyball 2017 dedica na Selma Lopez Henriquez – Orman

  Santa Cruz: Aruba Volleyball Association a organisa durante e weekend cu a pasa ...