Ex-internacional di Hulanda, Arjen Robben ta saliendo di retiro pa join FC Groningen un biaha mas, e club unda el a haci su debut profesional na edad di 16 aña.

E ta spera di ta den bon condicion pa hunga un biaha mas proximo siman. “Nos ta bayendo cas, bek na Groningen”, Robben a bisa den un video riba website di e club diasabra.

Robben, di 36 aña di edad, tambe a duna un nota di precaucion. “Na e momento aki, mi no ta sigur cu e lo pasa”, el a bisa. “Loke si mi ta sigur ta di mi motivacion y motivacion lo ta 100%. Lo ta un reto fisico pisa, pero mi ta bayendo p’e.”

Robben a hunga dos aña na Groningen prome cu el a move pa PSV Eindhoven y despues na Chelsea, Real Madrid y Bayern Munich. El a gana titulo di liga na e ultimo cuatro club.

El a hunga 96 biaha pa Hulanda, incluyendo e final di Mundial na 2010 unda Hulanda a perde 1-0 contra Spaña den tempo extra. El a retira di futbol un aña pasa.

LEAVE A REPLY

Please enter your comment!
Please enter your name here